இயக்குநர் மணிரத்னம் படத்தின் பாடலை வெளியிட உள்ள இசைப்புயல்!


இயக்குநர் மணிரத்னத்தின் மெட்ராஸ் டாக்கீஸ் நிறுவனம் மற்றும் லைக்கா புரடக்சன்ஸ் தயாரிப்பில் உருவாகி வரும் படம் ‘வானம் கொட்டட்டும்’.

விக்ரம் பிரபு நாயகனாக நடிக்கும் இப்படத்தில் ஐஸ்வர்யா ராஜேஷ், மடோனா செபாஸ்டியன், சரத்குமார், ராதிகா சரத்குமார், நந்தா, சாந்தனு, அமித்ஷா பிரதான் மற்றும் பலர் நடிக்கின்றனர்.

குடும்ப உறவுகளின் முக்கியத்துவத்தை உணர்த்தும் இப்படத்தை இயக்குநர் தனா இயக்குகிறார்.
பிரபல பாடகர் சித் ஸ்ரீராம் இப்படத்தின் மூலம் இசையமைப்பாளராக அறிமுகமாகிறார். இப்படத்தின் பர்ஸ்ட் லுக் போஸ்டர் வெளியாகி நல்ல வரவேற்பை பெற்று வருகிறது.

இந்நிலையில், இப்படத்தின் பாடல் வெளியீடு குறித்த அறிவிப்பை படக்குழு வெளியிட்டுள்ளது. அதன்படி இப்படத்தின் முதல் பாடலை இசைப்புயல் ஏ.ஆர்.ரகுமான் வருகிற நவம்பர் 15-ந் தேதி மாலை 5 மணிக்கு வெளியிட உள்ளார்.

இப்படத்தின் இறுதி கட்ட பணிகள் விறுவிறுப்பாக நடந்து வருகிறது.

Please follow and like us:
20

Leave a Reply

Your email address will not be published. Required fields are marked *