மாரி-2 ; வில்லன் பர்ஸ்ட் ஹீரோ நெக்ஸ்ட்

பாலாஜி மோகன் இயக்கத்தில் தனுஷ் நடிப்பில் உருவான ‘மாரி’ படத்தை தொடர்ந்து அதன் இரண்டாம் பாகம் இப்போது உருவாகி வருகிறது. பொதுவாக வெற்றிபெற்ற படங்களுக்குத்தான் இரண்டாம் பாகம் உருவாக்குவார்கள் என்பதை நாம் பார்த்துள்ளோம். ஆனால் ‘மாரி’ ஒன்றும் அவ்வளவு பெரிய வெற்றிப்படம் அல்ல..

ஆனால் ரசிகர்கள் மற்றும் குழந்தைகள் மத்தியில் ரீச்சான படம்.. அந்த வரவேற்பை காசாக்கத்தான் ‘மாரி-2’ எடுத்து வருகிறார்கள்.. ஆனால் முதல் பாகத்தை போல அல்லாமல் இந்தப்படத்தை வெற்றிப்படமாக்கும் சூட்சுமத்தை இயக்குனர் பாலாஜி மோகன் கண்டுபிடித்து விட்டாராம்.

அதாவது மாரி படத்தில் வில்லன் கதாபாத்திரமும் அதில் நடித்த நடிகரும் வலுவில்லாமல் போனதுதான் படத்திற்கு முக்கிய காரணம் என்பது பாலாஜி மோகனுக்கு தெரியவந்ததாம். அதனால் இரண்டாம் பாகத்தை உருவாக்கும்போது முதலில் வில்லனை வலுவான கேரக்டராக உருவாக்கி விட்டே, அதற்கடுத்து தனுஷின் கதாபாத்திரத்தை வில்லன்னுக்கேற்ற மாதிரி வடிவமைக்க ஆரம்பித்தாராம்.

அந்தவகையில் மிகவும் வலுவான வில்லன் கதாபாத்திரத்திற்கு மலையாள இளம் நடிகரான டொவினோ தாமஸ் பொருத்தமாக இருப்பார் என்பதால் தான் அவரை தமிழுக்கு அழைத்து வந்துள்ளாராம் பாலாஜி மோகன். இந்தப்படத்தில் வில்லன் என்றாலும் இரண்டுவித கெட்டப்பில் நடிக்கிறாராம் டொவினோ தாமஸ்.

 

 

 

Please follow and like us:
20

Leave a Reply

Your email address will not be published. Required fields are marked *