சமஸ்கிருதத்தில் பெயர் சூட்டி சர்ச்சையில் சிக்கிய கமல்..!

பொதுவாக கமல் மேடைப்பேச்சாகட்டும், அல்லது உரையாடலாகட்டும் கூடுமானவரை தமிழிலேயே தான் பேசுவார்.. ஆங்கிலமோ மற்ற மொழிகளோ தேவைப்பட்ட இடங்களில் மட்டும் தான் பயன்படுத்துவார். அப்படிப்பட்டவர் தான் இப்பொது சமஸ்கிருத மொழியில் பெயர் சூட்டியதால் சர்ச்சைக்கு ஆளாகியுள்ளார்..

கமல் நடித்த ‘தூங்காவனம்’ படத்தை இயக்கியவர் ராஜேஷ் எம்.செல்வா. இவர் கமலிடம் நீண்ட களாம் உதவியாளராக, ஒரு குடும்ப அங்கத்தினர்போல பழகி வருகிறார். சமீபத்தில் தனக்கு பிறந்த பெண்குழந்தையை கமல் வீட்டிற்கு எடுத்து வந்து அவரிடம் ஆசி வாங்கியதுடன் குழந்தைக்கு பெயர் சூட்டவும் வேண்டுகோள் வைத்தார் ராஜேஷ்.

குழந்தையைக் கையில் வாங்கிய கமல், ‘ஹோஷிகா மிருனாளினி’ என்ற பெயரைச் சூட்டினார். இது சமஸ்கிருதப் பெயராகும். இப்போது லேட்டஸ்டாக இப்படித்தான் ஈதாவது புதுமையாக பெயர் சூட்டுகிறார்கள் என்றாலும் கூட நல்ல தமிழில் லட்சம் பெயர்கள் இருக்கும்போது, தமிழை ஆராதிக்கும் கமல் சமஸ்கிருதத்தில் பெயர் சூட்டலாமா என்கிற ஆதங்கத்தில் தான் சில எதிர்ப்புக்குரல்கள் எழுந்துள்ளன.