சூப்பர்ஸ்டாருடன் இணையும் யோகிபாபு

பிரபல காமெடி நடிகர் யோகி பாபு, ‘தல’ அஜித், ‘தளபதி‘ விஜய்யை அடுத்து தற்போது சூப்பர் ஸ்டார் ரஜினியுடன் இணைந்து ஒரு படத்தில் நடிக்கவுள்ளார். ‘சர்க்கார்’ படத்தை அடுத்து ஏ.ஆர். முருகதாஸ் நடிகர் ரஜினியை வைத்து ஒரு படத்தை இயக்கவுள்ளார். இந்தப் படத்திற்காக ரஜினி தனது கால்ஷீட்களை ஒதுக்கியுள்ளதாக கூறப்படுகிறது. தற்போது படத்தின் முதற்கட்ட பணிகள் தீவிரமாக நடைபெற்று வருகிறது. அதிக பொருட் செலவில் இப்படத்தை லைகா நிறுவனம் தயாரிக்கவுள்ளது.

தற்போது இந்தப் படத்திற்கான நடிகை, நடிகர்கள் தேர்வு நடைபெற்று வருகிறது. இதில் படம் முழுக்க ரஜினியுடனே வரும் முக்கிய கதாபாத்திரத்துக்கு காமெடி நடிகர் யோகிபாபுவிடம் பேசியுள்ளனர். அவரோ ‘தளபதி 63’ படத்தில் மும்முரமாக நடித்து வருகிறார். படப்பிடிப்பு எப்போது என முடிவானவுடன், கண்டிப்பாக நடிக்கிறேன் என்று கூறியுள்ளார் யோகிபாபு.

நடிகர் யோகி பாபு, அஜித் மற்றும் விஜய்யை அடுத்து சூப்பர் ஸ்டார் ரஜினியுடன் கூட்டணி அமைத்துள்ளார். இதற்கு முன்பு ‘பேட்ட’ படத்தில் முனீஸ்காந்த் கேரக்டரில் நடிக்க முதலில் யோகிபாபுவிடம் தான் பேசினார்கள். தேதிகள் பிரச்சினையால் அவரால் நடிக்க முடியாமல் போனது குறிப்பிடத்தக்கது

Please follow and like us:
20

Leave a Reply

Your email address will not be published. Required fields are marked *