முந்தைய பாகத்தில் தான் கொன்ற சிலை கடத்தல் கும்பல் தலைவன். வர்மன் ஓய்வுபெற்ற சிறை அதிகாரி டைகர் முத்துவேல் பாண்டியன். கூடவே நேர்மையில்லாத தனது மகனையும் கொள்கிறார். வர்மனின் மரணத்தால் சிலை திருட்டு தடைபடவே அதே கேங்கை சேர்ந்த சுராஜ் வெஞ்சாராமுடு மற்றும் அவரது தலைவன் எஸ்.ஜே.சூர்யா ஆகியோர் முத்துவேல் பாண்டியனை கண்டுபிடித்து சிலையை மீட்க நினைக்கிறார்கள். இவர்களுடன் ஏற்படும் பகையை அவர் எதிர்கொள்வதே கதையின் சுருக்கமாகும்.
டைகர் முத்துவேல் பாண்டியன் கதாபாத்திரத்தில் நடித்துள்ள சூப்பர் ஸ்டார் ரஜினிகாந்த் தனது 75 வயதிலும் ரசிகர்களின் இதயங்களை வெல்லும் அதே அசாத்தியமான மாஸ் மற்றும் வசீகரத்துடன் மிரட்டியுள்ளார். குறிப்பாக ஒட்டுமொத்த தியேட்டரையும் எழுந்து நின்று விசில் அடிக்க வைக்கும் அளவிற்கு அதிரடியாகவும், எனர்ஜி நிறைந்ததாகவும் உருவாக்கப்பட்டுள்ளது
வெளியூர் வில்லன்களாக வரும் சக்ரி பதக் என்ற கதாபாத்திரத்தில் மிதுன் சக்கரவர்த்தியும், அவரது மகனான போதி என்ற கதாபாத்திரத்தில் எஸ்.ஜே.சூர்யாவும் தங்களது நடிப்பால் கதையின் தீவிரத்தைக் கூட்டியுள்ளனர். குறிப்பாக எஸ்ஜே சூர்யா அடக்கி வாசித்துள்ளார். லோக்கல் வில்லனான மலையாள நடிகர் சுராஜ் வெஞ்சாரமூடு திலீப் என்ற கதாபாத்திரத்தில் இன்னொரு வர்மனாக மிரட்டியிருக்கிறார்.
லோக்கல் அரசியல்வாதி மூர்த்தி என்ற கதாபாத்திரத்தில் நமோ நாராயணா நகைச்சுவை கலந்த ரவுடியாக நடித்துள்ளார். இதில் ரஜினிகாந்த், நமோ நாராயணன் வரும் கட்சிகள் முழுவது தொடர் சிரிப்பலை. யோகிபாபுவும் தனது வழக்கமான பாணியில் இருந்து மாறி அடக்கிய வாசித்து சில சிறந்த ஒன்-லைனர்கள் மூலம் சிரிக்க வைக்கிறார்.
இதிலும் முக்கியக் கட்டங்களில் மோகன்லால், சிவராஜ்குமார் மற்றும் புதிதாக ஹிருத்திக் ரோஷன் ஆகியோர் சிறப்புத் தோற்றங்களில் வந்து ரஜினிகாந்திற்கு ஆதரவாகச் செயல்பட்டு ரசிகர்களைக் குஷிப்படுத்துகிறார்கள். ரஜினிகாந்தின் மனைவியாக ரம்யா, மருமகளாக மிர்னாவும், பேரனாக ரித்விக்கும் பாண்டியனின் குடும்பப் பாசப் பிணைப்பை வெளிப்படுத்தும் விதமாகத் தங்களின் பங்களிப்பைத் தந்துள்ளனர். குறிப்பாக மகன் இறப்பு பற்றி தெரிய வரும் காட்சிகள்..
அனிருத் ரவிச்சந்தர் தனது அதிரடியான பேஸ் மற்றும் பீட்ஸ் நிறைந்த பின்னணி இசை மூலம் ரஜினிகாந்திற்கு ஒரு பிரம்மாண்டமான வரவேற்பை தந்து படத்திற்குப் பெரும் பலம் சேர்த்துள்ளார். 75 வயதிலும் ரஜினிகாந்தின் அசாத்தியமான ஸ்வாக் (Swagger) மற்றும் உடல்மொழிக்கு இந்த இசை பெரும் பலமாக அமைந்துள்ளது.
ஒளிப்பதிவாளர் விஜய் கார்த்திக் கண்ணன் தனது அசாத்தியமான விஷுவல்கள் மூலம் திரையில் தோன்றும் நடிகர்களைக் கடவுள் நிலைக்கு உயர்த்திக் காட்டும் அளவிற்குத் தரமான ஒளிப்பதிவைத் தந்துள்ளார்
நெல்சனின் டார்க் ஹியூமர் எனப்படும் கருப்பு நகைச்சுவை, ரஜினிகாந்த், யோகி பாபு மற்றும் நமோ நாராயணா ஆகியோருக்கு இடையேயான காம்போ காட்சிகள், ரஜினிகாந்தின் எமோஷனல் நடிப்பு மற்றும் பிளாக்பஸ்டர் இடைவேளைக் காட்சி ஆகியவை பெரும் பலமாக அமைந்துள்ளன
இயக்குனர் நெல்சன் திலீப்குமார் ஒரு சூப்பர் ஸ்டாரை எப்படிப் பிரம்மாண்டமாகவும் அதே சமயம் அவரது முழு நடிப்புத் திறமையையும் வெளிக்கொண்டு வரும்படி காட்ட வேண்டும் என்பதில் வெற்றி பெற்றுள்ளார்.
