கல்லூரி மாணவரான நாயகன் ராஜு, தனது சக மாணவியான நாயகி பவ்யா ட்ரிகாவை காதலிக்கிறார். .ராஜுவின் நண்பர் மைக்கேல் பவ்யா மீது ஒருதலை காதலில் விழுகிறார்.. இன்னொரு பக்கம்,நாயகனுக்கு அவருடைய அம்மா சரண்யா பொன்வண்ணன், தேவதர்ஷினியின் மகளான ஆத்யாவை திருமணம் செய்துவைக்க முயல்கிறார்.
ஆனால் அந்தப் பெண்ணுக்கு பப்பு என்கிற ஒரு காதலன் இருக்கிறார். இவற்றில் என்ன நடக்கிறது ? இத்தகைய சூழ்நிலையில் ராஜுவின் காதல் ஜெயித்ததா ? யாருக்கு யார் ஜோடியாக மாறினார்கள் என்பதைத்தான் இளமைத் துள்ளலோடு சொல்ல முயன்றிருக்கிறார்கள்.
நாயகனாக நடித்திருக்கும் ராஜு, எதார்த்தமாக நடித்திருப்பதோடு, காமெடிக் காட்சிகளிலும் ஸ்கோர் செய்கிறார்..ஒரு சில எமோஷனல் காட்சிகள் மிகப் பிரமாதமாக நடித்துள்ளார் என்பது குறிப்பிடத்தக்கது. ராஜுவின் நடிப்பை பார்க்கும்போது அவருக்கு இது முதல் படம் என்பது போல தெரியவில்லை.
கதாநாயகியாக பவ்யா, அழகான பதுமையாக தன்னுடைய பங்களிப்பை கவனிக்கதக்க வகையில் செய்துள்ளார். முதல் பாதியில் ராஜூக்கும் பவ்யாவுக்கும் இடையே நடக்கும் காதல் காட்சிகளும் எமோஷனல் காட்சிகளிலும் மிகச் சிறப்பாக அமைந்துள்ளது.
மற்றொரு நாயகி ஆதியா தனது துறுதுறு நடிப்பு மற்றும் உடல்மொழி மூலம் திரைக்கதை ஓட்டத்திற்கு பலம் சேர்க்கிறார். ராஜுக்கும் ஆதியாக்கும் இடையே நடக்கும் காமெடி கலாட்டா சண்டை மிக ரசிக்கும் படியாக அமைந்துள்ளது ஆதியாவின் காதலனாக நடித்திருக்கும் விஜே பப்பு, வரும் காட்சிகளில் சிரிப்பு சத்தம் காதை பிளக்கிறது.
சரண்யா பொன்வண்ணன் மற்றும் தேவதர்ஷினி ஆகியோர் தாய்மார்களின் உணர்வுகளை அழுத்தமாகவும் அழகாகவும் வெளிப்படுத்தியுள்ளனர். சீனியர் மாணவரான விக்ராந்த். ஜாலியான அப்பாவாக சார்லி, நண்பராக மைக்கேல் தங்கதுரை ஆகியோரும் தங்கள் பங்களிப்பை வழங்கியிருக்கிறார்கள்.
நிவாஸ் கே.பிரசன்னா இசையில் பாடல்கள் துள்ளல் ரகம். பின்னணி இசை முதன்மை கதாபாத்திரங்களிடம் இருக்கும் இளமைக்கு ஏற்ப பயணித்து பார்வையாளர்களை பரவசமடைய செய்கிறது. ஒளிப்பதிவாளர் பாபு குமார்.ஐ.இ, படம் முழுவதையும் கலர்புல்லாக காட்சிப்படுத்தியிருக்கிறார்.
காதல் என்கிற பெயரில் இளைய தலைமுறையினர் அடிக்கும் லூட்டிகளையும், காதலை டேக் இட் ஈசியாக கையாள்வதையும் இயக்குநர் ராகவ் மிர்தத் மிகையில்லாமல் சொல்லியிருப்பது ரசிக்க வைக்கிறது. இந்த படத்தின் மிகப்பெரும் பலமே ஒவ்வொரு இடத்திலும் வயிறு வலிக்க சிக்க வைக்கும் காமெடிகளை தெறிக்க விட்டது தான். இந்தக் காலத்துத் தலைமுறையின் காதலையும், அதன் போக்கையும் நகைச்சுவை கலந்து கொடுத்து வெற்றிக்கோட்டையும் தொட்டுள்ளார் இயக்குநர் ராகவ் மிர்தத்
