நாயகன் தர்ஷன் – அர்ஷா சாந்தினி பைஜூ இருவரும் காதலிக்கிறார்கள். பெற்றோர்கள் எதிர்ப்பை மீறி இருவரும் திருமணம் செய்து கொள்கிறார்கள். வேளச்சேரியில் உள்ள ஒரு அடுக்குமாடி குடியிருப்பில் தர்ஷன் வீடு ஒன்றை வாங்குகிறார்
தம்பதிகள் இருவரும் மகிழ்ச்சியாக அந்த வீட்டில் வாழ்ந்து வருகிறார்கள். இந்நிலையில் நாயகி அர்ஷாவிற்கு அந்த வீட்டில் சில அமானுஷ்யங்களை உணர்கிறார்கள். ஆனால் அது பேய்களின் வேலை இல்லை என தெரிய வருகிறது.அதே வீட்டில் காளி வெங்கட்டும், அவரது மனைவி வினோதினியும் அவர்களது 10 வயது மகனுடன் வாழ்கிறார்கள். இரு
குடும்பமும் தொடர்ந்து பகிர்ந்துக் கொள்ளும் விஷயங்கள், அவர்களை சுற்றி நடக்கும் சம்பவங்கள் மூலம் பல ஆவியின் அதிர்ச்சியான தகவல் மற்றும் ஆச்சரியமான சிக்கல்களை எதிர்கொள்கிறார்கள். அவை என்ன ?, என்பதை இப்படி ஒரு விசித்திரமான அறிவியல் சிக்கலில் அவர்கள் சிக்கிக்கொள்வதற்கு காரணம் என்ன ? அதில் இருந்து அவர்கள் தப்பித்தார்களா ? இல்லையா ? மற்றும் இந்த கேள்விகளுக்கு அறிவியல் அடிப்படையில், எளிமையாக பதில் அளிக்க முயற்சித்திருப்பது தான் இந்த “ஹவுஸ் மேட்ஸ்” திரைப்பட கதைக்களம்..
கார்த்திக்காக தர்ஷன், அவரது காதல் மனைவி அனுவாக அர்ஷா சாந்தினி பைஜூ, ரவியாக காளி வெங்கட், அவரது மனைவி விஜியாக வினோதினி வைத்தியநாதன், அவரது மகனாக மாஸ்டர் ஹென்ரிக் ஆகியோர் முதன்மைக் கதாபாத்திரங்களில் நடித்திருக்கிறார்கள். கதைக்கும் கதாபாத்திரத்துக்கும் தேவையான அளவு சிறப்பாக நடிப்பை வெளிப்படுத்தியிருக்கிறார்கள்.
தீனா, அப்துல் லீ, மாஸ்டர் ஹென்ரிக் என மற்ற வேடங்களில் நடித்திருப்பவர்கள் திரைக்கதை ஓட்டத்திற்கு பலம் சேர்க்கும் வகையில் பயணித்திருக்கிறார்கள்.
இசையமைப்பாளர் ராஜேஷ் முருகேசனின் இசையில் பாடல்கள் மற்றும் பின்னணி இசை கதையின் படி பயணம் செய்துள்ளன.
ஒளிப்பதிவாளர் எம்.எஸ். சதீஷ் காட்சிகள் ஒரே வீட்டில் நகர்ந்தாலும், அவர் அவற்றை தனது கேமராவுடன் வௌ;வேறு வடிவங்களில் நம்பகத்தன்மையுடன் காண்பித்து சுவாரஸ்யத்துடன் கொடுத்து ஆச்சரியப்படுத்தியுள்ளார்.
எழுதி இயக்கியிருக்கும் டி.ராஜவேல், டைம் டிராவல், டைம் லூப் ஆகியன போல் டெசரக்ட் எனும் புதிய முறைமையை அறிமுகப்படுத்துகிறார்.. அதை பார்வையாளர்கள் சுலபமாகப் புரிந்துகொள்ளும் வகையில் சொல்ல முயற்சித்திருப்பதற்காக இயக்குநர் டி.ராஜவேலுவுக்கு பாராட்டுக்களை சொல்லிக்கொள்வோம்.
