இனி என்னிடம் கவர்ச்சி இல்லை; கேரக்டர் ரோல் கொடுங்க – நடிகை சோனா

ஏராளமான படங்களில் கவர்சிகரமான வேடத்தில் நடித்தவர் சோனா. இடையில் சில காலம் நடிப்பதை விட்டு விலகி இருந்தார். இனி கவர்ச்சியாக நடிக்க மாட்டேன் என இன்று அவர் ஒரு அறிக்கை வெளியிட்டுள்ளார்.

அவர் கூறியதாவது… “அப்படி இப்படி என்று கவர்ச்சியை காட்டி 75 படங்களுக்கு மேல் நடித்து விட்டேன். எல்லா மொழிகளிலுமே எல்லாப் பிரபல நடிகர்களுடன் நடித்திருக்கிறேன்.எனக்கே கவர்ச்சியாக நடித்து போரடித்து விட்டது. இனி அப்படி இப்படி நடிப்பதில்லை என முடிவெடுத்திருக்கிறேன். கேரக்டர் ரோலில் மட்டுமே நடிக்க முடுவெடுத்திருக்கிறேன்.

கதை எழுதுவதற்கு முன்பு பிள்ளையார் சுழி போட்டு ஆரம்பிக்கிற நீங்கள், குணசித்திர கேரக்டர்ன்னு வரும் போது சோனா என்று எழுதி என்னை அழையுங்கள் நான் நல்ல காரக்டர்களில் நடிக்க காத்திருக்கிறேன்” என்றார் சோனா.

கத்திரிக்கா முத்தினா கடை தெருவுக்கு வரணும்.. கவர்ச்சி நடிகை முத்தினா கேரக்டர் ரோலுக்கு தானே வரணும். ஷகிலாவே ‘கேரக்டர் ரோல்’ பண்ணும் போது நீங்க பண்ண கூடாதா? வாங்க.. வந்து அசத்துங்க!