சித்தாரா என்டர்டெயின்மென்ட்ஸ், பார்ச்சூன் ஃபோர் சினிமாஸ் இணைந்து ஸ்ரீகாரா ஸ்டுடியோஸ் தயாரிப்பில் கௌதம் தின்னனுரி இயக்கத்தில் விஜய் தேவரகொண்டா, சத்யதேவ், பாக்யஸ்ரீ போர்ஸ்,ரோகினி ஆகியோர் நடிப்பில் வெளியாகி இருக்கும் ’கிங்டம்’
ஆந்திர மாநிலத்தைச் சேர்ந்த போலீஸ் கான்ஸ்டபிளான நாயகன் விஜய் தேவரகொண்டா, சிறு வயதில் வீட்டை விட்டு ஓடிப்போன தனது அண்ணனை தேடும் முயற்சியில் பல வருடங்களாக ஈடுபட்டுக் கொண்டிருக்கிறார்.
அவரது சகோதரரைப் பற்றி விஜய் தேவரகொண்டாவுக்குத் தெரிவிக்கும் ஒரு தேசிய பாதுகாப்பு அதிகாரி, அவரது சகோதரரை மீட்பதற்காக, அவர் இலங்கையில் ஒரு ரகசிய முகவராக செயல்படும் மாஃபியா கும்பலுக்குள் நுழைய வேண்டும் என்றும் அது மிகவும் ஆபத்தான வேலை என்றும் கூறுகிறார்.
தனது சகோதரனை மீட்பதற்கு எதையும் செய்யத் தயாராக உள்ள விஜய் தேவரகொண்டா , இலங்கை மாஃபியா கும்பலுக்கு ஒரு ரகசிய முகவராக நுழைகிறார். இலங்கைக்கு செல்லும் விஜய் தேவரகொண்டா. தன் அண்ணனை மீட்டாரா ? இல்லையா ? என்பதை சொல்லும் படம் தான் ‘கிங்டம்.
கதையின் நாயகன் சூரியாக விஜய் தேவரகொண்டா நடித்திருக்கிறார். முதலில் கான்ஸ்டபிளாகவும், பின்னர் கைதி எனும் போர்வையில் உளவாளியாகவும் இருவேறு கெட்டப்களில் தோன்றியிருக்கிறார். அதிரடி ஆக்ஷன் காட்சிகளில் முழு உழைப்பையும் கொட்டி பார்வையாளர்களின் மனதை ஈர்த்திருக்கிறார்.
நாயகியாக நடித்திருக்கும் பாக்யஸ்ரீ போர்ஸுக்கு வசீகரமான முகம். ஆனால், படத்தில் அவருக்கான வேலை பெரிதாக இல்லை.
படத்தின் முக்கிய கதாபாத்திரமான நாயகனின் அண்ணன் வேடத்தில் சத்யதேவ் நடித்திருக்கிறார். படத்தின் இதயம் போன்ற அந்த கேரக்டரை தனது நடிப்பால் தூக்கி நிறுத்துகிறார்.
ஒளிப்பதிவாளர்கள் ஜோமோன் டி ஜான் – கிரீஷ் கங்காதரன் ஆகியோர் இந்த படத்தை அற்புதமாகக் காட்டியுள்ளனர். அனிருத்தின் இசை படத்தின் மிகப்பெரிய பலம், குறிப்பாக பின்னணி இசை மற்றும் காட்சிகளுடன் பார்வையாளர்களின் கவனத்தை ஈர்க்கும் வகையில் அனிருத் பின்னணி இசையை இயற்றியுள்ளார்.
இயக்குனர் கௌதம் தின்னனூரி படத்தின் தொடக்கத்திலிருந்தே பார்வையாளர்களை கதைக்குள் இழுத்து இலங்கை மாஃபியா கும்பல் மற்றும் ஹீரோவின் உளவு வேலைகளை உங்கள் இருக்கையின் விளிம்பில் வைத்திருக்கும் ஒரு பரபரப்பான மற்றும் அற்புதமான வழியில் நகர்த்தியிருக்கிறார்.
