சின்னத்தம்பி புரொடக்சன், மகேஸ்வரன் தேவதாஸ் தயாரிப்பில் அனிஷ் அஷ்ராப் இயக்கத்தில் வெற்றி, ஷில்பா மஞ்சுநாத், தம்பி ராமையா, கிங்க்ஸ்லி ஆகியோர் நடிப்பில் வெளியாகி இருக்கும் சென்னை பைல்ஸ் ‘முதல் பக்கம்’.
ஒரு க்ரைம் நாவல் எழுத்தாளரின் மகனான பிரபாகரன்(வெற்றி), தனது தந்தையின் வாழ்க்கையைப் பற்றிய தொடர் கதையாக விவரிக்க மதுரையிலிருந்து சென்னையில் உள்ள ஒரு பத்திரிகை அலுவலகத்திற்கு வருகிறார். அந்த தொடரை பத்திரிகையாளரான சுவாதி(ஷில்பா மஞ்சுநாத்) எழுதுகிறார்.
அந்த சமயத்தில் எதிர்பாராத விதமாக திருடன் மின்னல் ராஜா (கிங்ஸ்லி) மூலம் போலீஸ் இன்ஸ்பெக்டர் ராமையாவின் (தம்பி ராமையா) அறிமுகம் கிடைத்து நட்பாக பழகுகிறார். தனது தந்தை ஒரு க்ரைம் எழுத்தாளர் என்பதால் தனக்கு இயல்பாகவே இருக்கும் புலனாய்வுத் திறனை பயன்படுத்தி, போலீஸ் இன்ஸ்பெக்டர் தம்பி ராமையாவுக்கு துப்பு துலக்க உதவிகள் செய்து பாராட்டுதல்களை வாங்கி கொடுக்கிறார்.
அப்போது, பெண் நிருபர் ஒருவரும், சில பள்ளி மாணவர்களும் ஒரே மாதிரியாக கொடூரமாக கொலை செய்யப்படுகிறார்கள். இந்த தொடர் கொலைகளின் பின்னணியை கண்டுபிடிக்க களத்தில் இறங்கும் வெற்றி அதை எப்படி கண்டுபிடிக்கிறார்?, கொலைகாரன் யார்?, பின்னணி என்ன?, என்பதை விவரிப்பது தான் ‘சென்னை ஃபைல்ஸ் – முதல் பக்கம்’.
நாயகனான நடித்திருக்கும் வெற்றி இயல்பான நடிப்பில் போலீசுக்கே உதவி செய்யக் கூடிய கதாபாத்திரத்தில் நடித்திருக்கிறார்.சண்டை காட்சிகலீல் மிரட்டுகிறார் .
நாயகியாக, பத்திரிகையில் எழுதும் பெண் கட்டுரையாளர் ஸ்வாதியாக ஷில்பா மஞ்சுநாத் கச்சிதமாக சிறப்பாக செய்திருக்கிறார். தொடர் கொலைகள் செய்யும் சைக்கோ கொலையாளியாக அறிமுக நடிகர் மகேஷ் தாஸ் வில்லத்தனத்தில் மிரட்டியிருக்கிறார்.
காவல் ஆய்வாளர் கதாபாத்திரத்தில் வரும் தம்பி ராமையா பொறுப்புடனும் வந்துபோகிறார். வெற்றி நாயகனாக இருந்தாலும், ஆய்வாளர் வேடத்தில் நடித்துள்ள தம்பி ராமையா படத்தை நகர்த்திச் செல்பவராக உள்ளார்
இசையமைப்பாளர் ஏ.ஜே.ஆர் இசையில் பாடல்களும், பின்னணி இசையும் கதைக்கு ஏற்ப அமைந்திருக்கிறது.
அரவிந்தின் ஒளிப்பதிவும், விஷாலின் படத்தொகுப்பும் படத்தை விறுவிறுப்பாகவும், வேகமாகவும் நகர்த்தியிருக்கிறது.
ஒரு பரபரப்பான சைக்கோ த்ரில்லர் திரைக்கதையாக சமூகப் பிரச்சினைகளுடன் குறிப்பாக பெண்களுக்கு எதிரான குற்றங்களுக்கு கடுமையான தண்டனை வழங்கப்பட வேண்டும் என்று பதிவு செய்திருக்கிறார் இயக்குனர் அனிஷ் அஷ்ரப்
