சூப்பர் மார்க்கெட் நடத்தி வரும் ஆண்ட்ரியா ஒரு பக்கம் பல அனாதை குழந்தைகளை படிக்க வைத்து வருகிறார். கவின் தனியார் துப்பறியும் ஏஜென்சி தொடங்கி பலரிடம் பணம் பறிக்கும் வேலையை செய்து வருகிறார். ஒரு கட்டத்தில் தேர்தலுக்காக ஒரு அரசியல்வாதி கொடுத்த பணத்தை ஆண்ட்ரியா தனது சூப்பர் மார்க்கெட் பதுக்கி வைக்க அது எதிர்பாராத விதமாக களவு போகிறது. அதை கண்டுபிடிக்கும் பொறுப்பை கவினிடம் ஒப்படைக்கிறார் ஆண்ட்ரியா. கவின் அந்த பணாத்தை கண்டுபிடித்தாரா ? அந்த பணத்தை கொள்ளையடித்தது யார் ? இதன் பின்னணியில் என்ன மர்மம் இருக்கிறது என்பது மீதிக்கதை.
நடிகர் கவின், எதார்த்தமாக நடிக்க முயற்சி செய்து. ஒரு சில இடங்களில் மட்டும் கவனிக்கும்படியான நடிப்பை வெளிப்படுத்தி இருக்கிறார். திருமணமானவராகவும் அதன்பின் திருமணத்தை மீறிய உறவில் ஈடுபடுபவராகவும் வரும் கவின். நெகடிவ் சாயலில் அழகாக தன்னை பிரதிபலித்திருக்கிறார்.
ஆண்ட்ரியா, பார்வையிலேயே மிரட்டி இருக்கிறார். காட்சிக்குக் காட்சி பல பரிமாணங்களை எடுத்துக்கொண்டே இருக்கும் கதாபாத்திரத்தை, தன் தோரணையும் மர்மமும் கலந்த உடல்மொழியால் தாங்குகிறார் ஆண்ட்ரியா. இவரது வில்லத்தனமான நடிப்பு படத்திற்கு பெரிய பலம்.
மற்றொரு நடிகை ஆக வரும் ருஹானி சர்மா அழகாக வந்து சென்று இருக்கிறார். சார்லி, ருஹானி சர்மா, ரமேஷ் திலக், கல்லூரி வினோ என அனைவருமே தங்கள் பங்களிப்பை நிறைவாக செய்துள்ளனர்.
ஆர்டி ராஜசேகர் தன் வண்ணமயமான ஒளிப்பதிவின் மூலம் கண்களில் வர்ணஜாலம் காட்டுகிறார். ஜிவி பிரகாஷின் இசையும் படத்துக்கு பலம்.
இருப்பவர்களிடம் கொள்ளையடித்து இல்லாதவர்களுக்குக் கொடுக்கும் பழைய ராபின்ஹூட் கதையை கொஞ்சம் மாற்றி யோசித்திருக்கிறார் இயக்குனர் விகர்ணன் அதற்கேற்றபடி புதுப்புது ஐடியாக்களும் அடுத்தடுத்து வரும் ட்விஸ்ட்களும் கூடவே. நெல்சனின் வாய்ஸ் ஓவரும் படத்தை ஓரளவு விருவிருப்பக்க நகர்த்த முயற்சிக்கின்றன. ஆனாலும் வெற்றிக்கோட்டை தொட போராடுகிறது இந்த மாஸ்க்
