மாத சம்பளத்தில் குடும்பத்தை நடத்த சிரமப்படும் ஒரு நடுத்தர வர்க்க மனிதர் முனீஸ்காந்த். மனைவி விஜயலட்சுமி ஆடம்பர பிரியை. ஆனால் முனீஸ்காந்த்தோ எப்படியாவது சொந்த ஊரில் நிலம் வாங்கி செட்டில் ஆக வேண்டும் என கனவுகளுடன் இருக்கிறார். அப்படிப்பட்டவருக்கு எதிர்பாராத விதமாக அவரது தந்தை ஏற்கனவே ஒரு வடநாட்டு மனிதருக்கு பயன்படுத்திக்கொண்டிருந் கொடுத்திருந்த இடம் பற்றி தெரிய வருகிறது.
அந்த மனிதரை சந்திக்க, முனீஸ்காந்தத்துக்கு அவர் ஒரு கோடிக்கு செக் எழுதிக் கொடுக்கிறார். பணம் வரப்போகிறது என்கிற நம்பிக்கையும் மனைவி விஜயலட்சுமி ஆடம்பர செலவுகளை ஈடு வருகிறார் திடீரென அந்த செக் காணாமல் போக அடைகின்றனர்.
நண்பர்களுடன் சேர்ந்து முனீஸ்காந்த் அந்த செக்கை தேடும் வேலையில் ஈடுபடுகிறார். இந்த செக் அவர்களுக்கு கிடைத்ததா ? பணத்தை பெற முடிந்ததா ? இல்லை, ஏன் மீண்டும் ஒரு புதிய செக்கை முனீஸ்காந்த்தால் பெற முடியவில்லை என பல கேள்விகளுடன் மீதிக்கதை இந்த சிக்கல்களுக்கு விடை சொல்கிறது.
இதுநாள் வரை காமெடியில் கலக்கிய முனீஷ்காந்த், இதில் கதையின் நாயகனாக சீரியஸ் கதாபாத்திரத்திலும் அவரது எதார்த்த நடிப்பால் கவனம் ஈர்க்கிறார்.
நடுத்தரக் குடும்பத் தலைவியாக நடித்திருக்கும் விஜய்லட்சுமிக்கு இது வாழ்நாள் படமென்று சொல்லலாம். அந்தளவுக்கு வேடத்தை உணர்ந்து நடித்து பெரும் வரவேற்புப் பெறுகிறார்
ஆட்டோ ஓட்டுநராக குரேஷி, துப்பறியும் நிபுணராக ராதாரவி, தந்தையாக வேல ராமமூர்த்தி, மனோதத்துவ மருத்துவராக மாளவிகா அவிநாஷ் ஆகியோர் கொடுத்த வேலையைச் செய்திருக்கிறார்கள். .
ஒளிப்பதிவாளர் சுதர்ஷன் ஸ்ரீனிவாசனின் கேமரா நடுத்தரக் குடும்ப வாழ்க்கையை எந்தவித கலப்படமும் இன்றி நம் கண் முன் நிறுத்தி இருக்கிறது. கதைக்களத்தை விவரிக்கும் வகையில் இசையமைப்பாளர் பிரனவ் முனிராஜ் இசையில் பாடல்கள் அமைந்திருக்கிறது. காட்சிகளுக்கு உயிரூட்டும் வகையில் அவரது பின்னணி இசையும் பயணித்திருக்கிறது.
படத்தின் மிகப்பெரிய பலம் அதன் இயல்பான கதை சொல்லலும் தான். ஆனாலும் முதல் பாதியை ஒப்பிடுகையில் இரண்டாம் பாதியில் வேகம் இல்லை. செக் தொலைந்து போனபின் நடக்கும் விஷயங்களில் லாஜிக் மீறல்களும் லேசாக இடிக்கின்றன. மேலும் அடுத்தடுத்த காட்சிகளை யூகிக்க முடிவதும் பலவீனம். எ அதேசமயம் எளிமையான மனிதர்களின் வலி நிறைந்த வாழ்க்கை, சில இடங்களில் நகைச்சுவையுடனும், சில இடங்களில் உணர்வுபூர்வமாகவும் சொல்லப்பட்டிருக்கிறது. அதற்காக இயக்குனரை பாராட்டலாம்.
