ஒருவர் மனதில் உள்ள காதலை கண்டுபிடிக்கும் கருவியை இந்த தொடரின் நாயகி பாடினி குமார் கண்டுபிடிக்கிறார். ஆனால் அதைவைத்து இரண்டு காதல்களில் சோதிக்கிறார். சில காதல்களில் அவர் பரிசோதனை வெற்றியை காட்டுகிறது.
அதேசமயம் நாயகன் குரு லக்ஷ்மன் பாடினி குமாரின் கருவியால் ஒருவர் மனதில் இருக்கும் காதலை கண்டுபிடிக்க முடியாது என அதை கிண்டல் செய்கிறார். கூடவே, நாயகியை காதலிக்க வைப்பதாகவும், சவால் விடுகிறார். என்ன நடந்தது என்பது மீதிக்கதை
நாயகியாக வரும் பாடினி குமார், நாயகனாக வரும் குரு லக்ஷ்மன் இருவரும் தங்கள் பாத்திரத்தை உணர்ந்து நடித்துள்ளனர். இவர்களது ஆரம்பகட்ட சந்திப்பும் குட்டி குட்டி மோதல்களும் கதையின் சுவாரசியத்தை கூடுகிறது.
சுமித்ரா தேவி, அனித் யாஷ் பால், யோகலக்ஷ்மி, இனியள், ஜீவா ரவி, சர்மிளா, பிரவீன் பிரின்ஸி, கலை, அஜித் பவித்ரா, சீனு என மற்ற கதாபாத்திரங்களில் நடித்திருப்பவர்களும் கதாபாத்திரத்திற்கு பொறுத்தமான தேர்வாக பயணித்திருக்கிறார்கள்
ஒளிப்பதிவாளர் கூலி சௌந்தரராஜன் கதையில் ஒன்றி வேலை பார்த்திருக்கிறார். காதலுக்கேற்ற துள்ளலான இசையை சிறப்பாக வழங்கி இருக்கிறார் மைக்கேல் ஆகாஷ்.
இந்த வெப்சீரிஸை இயக்கியிருக்கும் சதாசிவம் செந்தில்ராஜன், காதல் கதையை வித்தியாசமான கோணத்தில் ரசிக்கும் விதமாக கொடுத்திருக்கிறார். சொல்லப்போனால் முதல் மூன்று எபிசோட் களிலேயே ரசிகர்களை கதைக்குள் இழுத்து விடும் ஈர்ப்பான காட்சிகளை வைத்திருப்பது இயக்குனரின் நம்பிக்கையை காட்டுகிறது.
