எழுத்தாளராக இருக்கும் சத்யராஜ் சாமானிய மனிதன் பற்றிய கதையை எழுதும் சவாலை ஏற்றுக் கொள்கிறார். அதன்படி காளி வெங்கட்டை சந்திக்கும் அவரின் பார்வையில் படம் தொடங்குகிறது. நடுத்தர வர்க்க குடும்ப தலைவனான காளி வெங்கட் தன் மகள், மகன் இருவரையும் நல்ல நிலைக்கு கொண்டு வர பாடுபடுகிறார். அதனால் அவர் சந்திக்கும் பிரச்சனைகள், எதிர்கொள்ளும் கஷ்டங்கள் ஆகியவைதான் படத்தின் கதை.
கதையின் நாயகனாக நடித்திருக்கும் காளி வெங்கட் தனது இயல்பான நடிப்பு மூலம் கண்ணன் என்ற கதாபாத்திரமாக மக்கள் மனதில் எளிதில் ஒட்டிக்கொள்கிறார்.
பிரபல கதாசிரியர் ஜோதி ராமையாவாக கௌரவ வேடத்தில் சத்யராஜ் நடித்திருக்கிறார். உட்கார்ந்த நாற்காலியைவிட்டு நகராமல், உட்கார்ந்தது உட்கார்ந்தபடியே அவர் இப்படத்தின் ‘ஆங்கர்’ போல் செயல்பட்டிருக்கிறார்.
தீபிகாவாக ரோஷிணி ஹரிபிரியா அழுத்தமான பொறுமையாக கையாளும் குணம் படைத்த மகளாக தந்தை, தாய் மீது அன்பை பொழிவதும், பின்னர் விரக்தியை காட்டிக் கொண்டாலும் அவர்களின் தியாகத்தை நினைத்து நெகிழும் இடத்தில் தனித்து நிற்கிறார்
மகனாக நடித்திருக்கும் விஷ்வா, நாய் அப்பாவை புரிந்து கொள்ளும் தருணம் என பல இடங்களில் தனது இயல்பான நடிப்பைக் கொடுத்து நடிப்பில் தனி ஒரு அங்கீகாரம் பெற்றிருக்கிறார். அம்மாவாக நடித்திருக்கும் ஷெல்லியும் கண்களில் வரும் ஈரத்துளிகளிலே ப்பாதி நடிப்பைக் கொடுத்துவிட்டுச் சென்று விடுகிறார்
அரசியல்வாதியாக வரும் கீதா கைலாசம், ஐடி நிறுவன அதிகாரியாக நடித்திருக்கும் அர்ச்சனா, மின்வாரிய அலுவலக அதிகாரியாக நடித்திருக்கும் சுனில் சுகதா, ஊறுகாய் விற்பனையாளராக நடித்திருக்கும் சாம்ஸ், மதுமிதா என அனைவரும் கதாபாத்திரத்திற்கு ஏற்ற தேர்வாக இருக்கிறார்கள்
எளிமையான மக்களின் எதார்த்த வாழ்க்கையையும், அவர்களது வாழ்விடங்களையும் இயல்பாக காட்சிப்படுத்தியிருக்கிறார் ஒளிப்பதிவாளர் ஆனந்த்.ஜி.கே
இசையமைப்பாளர் கே.சி.பாலசாரங்கனின் இசையில் பாடல்களும், பின்னணி இசையும் திரைக்கதை போல் மெதுவாகவும், அமைதியாகவும் பயணித்திருந்தாலும், காட்சிகளுக்கு ஏற்ப பயணித்திருக்கிறது.
மிடில் கிளாஸ் வாழ்வியல் படம் முழுவதும் மெதுவாக செல்வது போல் உணர்ந்தாலும் அனைத்து மக்களையும் இணைக்கும் பாலமாக நிச்சயம் அமையும். சாதாரண மக்களின் வாழ்க்கை போராட்டங்களுக்கு மதிப்பளித்து அவர்களது எளிமையான வாழ்க்கையும் ஒரு சாகசம் தான் என்பதை அழுத்தமாக பதிவு செய்திருக்கிறார் இயக்குனர் கார்த்திகேயன் மணி
