சில வருடங்களுக்கு முன் வெளியாகி வெற்றிபெற்ற காளிதாஸ் படத்தின் இரண்டாம் பாகமாக வெளியாகி இருக்கும் படம் இது.
ஒரு ஆடம்பரமான குடியிருப்பில் நடைபெறும் புத்தாண்டு கொண்டாட்டத்தின் போது தொடங்குகிறது. குடியிருப்பின் செயலாளராக இருக்கும் சங்கீதா, அங்கிருக்கும் குடியிருப்பாளர்களை கொண்டாட்டத்திற்காக ஒருங்கிணைக்கிறார். .அபர்ணதி மற்றும் அவரது கணவர் கோகுல் (ஆனந்த் நாக்) தங்களது சிறிய மகள் மித்ராவுடன் இந்த நிகழ்வில் கலந்து கொள்கிறார்கள்.
.
கொண்டாட்டத்தின் போது, மித்ரா அங்கிருக்கும் ஸ்டீபன் (அஜய் கார்த்தி) என்பவரின் நாயைப் பின்தொடர்ந்து அவரது வீட்டிற்குள் செல்கிறாள். அதன் பிறகு அந்த சிறுமி திடீரென மாயமாகிறாள், இது அந்த மகிழ்ச்சியான இரவை பதற்றமான ஒன்றாக மாற்றுகிறது.
.
குழந்தையைத் தேடும் முயற்சியில் காவல்துறை ஈடுபடுத்தப்படுகிறது. இன்ஸ்பெக்டர் காளிதாஸ் மற்றும் அவரது குழுவினர் விசாரணையைத் தொடங்குகிறார்கள். ஆரம்பத்தில் சந்தேகம் முழுவதும் ஸ்டீபன் மீது விழுகிறது, படத்தின் முதல் பாதி இந்த சந்தேகத்தை வளர்ப்பதிலேயே நகர்கிறது
.
இருப்பினும், இரண்டாம் பாதியில் கதை ஒரு முக்கிய திருப்பத்தை எடுக்கிறது. விசாரணையில் ஸ்டீபன் குற்றவாளி இல்லை என்பது தெரியவர, சந்தேகம் அபர்ணதி மற்றும் சங்கீதா உள்ளிட்ட மற்ற குடியிருப்பாளர்கள் மீது திரும்புகிறது. இது கதையின் மர்மத்தை மேலும் சுவாரசியமாக்குகிறது. உண்மி குற்றவாளி யார் என்பது மீதிக்கதை.
.
ஒரு காவல்துறை அதிகாரியாக முதிர்ச்சியான மற்றும் நேர்த்தியான நடிப்பை வெளிப்படுத்தியுள்ளார் பரத், நெருக்கடியான சூழ்நிலைகளை அனுபவம் வாய்ந்த காவல்துறை அதிகாரிகள் எப்படி சாமர்த்தியமாக கையாள்வார்கள், என்பதை தன் நடிப்பின் மூலம் பரத் மிக நேர்த்தியாக வெளிக்காட்டியிருக்கிறார்.
.
உதவி கமிஷனர் வைஷ்ணவியாக அமைதியான மற்றும் சிறப்பான நடிப்பைத் தந்துள்ளார் பவானி ஸ்ரீ.
அபர்ணதிக்கு சிறிய வேடம் என்றாலும் திரைக்கதையின் திருப்பத்தில் முக்கிய பங்கு வகிக்கும் முக்கியமான கதாபாத்திரத்தில் கவனம் ஈர்க்கும் வகையில் நடித்திருக்கிறார்.
.
நீண்ட இடைவேளைக்குப் பிறகு ஒரு கௌரவமான மற்றும் முதிர்ச்சியான நடிப்பின் மூலம் மீண்டும் திரைக்கு வந்துள்ளார் பூவே உனக்காக சங்கீதா.
.
பிரகாஷ் ராஜ் மற்றும் டி.எம். கார்த்திக் ஆகியோரும் முக்கிய கதாபாத்திரங்களில் நடித்துள்ளனர்
.
அடுக்குமாடி குடியிருப்பு மற்றும் புறநகர் சென்னையை பல்வேறு கோணங்களில் காட்டி, அனைத்து காட்சிகளையும் பரபரப்பாக நகர்த்தி செல்கிறார். ஒளிப்பதிவாளர் சுரேஷ் பாலா. சாம் சி.எஸ்: இப்படத்திற்கு இசையமைத்துள்ளார். இவரது பின்னணி இசை படத்தின் மர்மம் மற்றும் உணர்ச்சிகரமான காட்சிகளுக்குப் பெரும் பலமாக அமைந்துள்ளது
.
ஒட்டுமொத்தமாக, காளிதாஸ் 2 திரைப்படம் ஒரு சுவாரசியமான புலனாய்வு மற்றும் கதாபாத்திரங்களை மையமாகக் கொண்ட கதை சொல்லலால் ரசிகர்களைக் கவர்கிறது. இறுதிவரை கொலையாளி யார் என்ற தேடலுடன் பார்வையாளர்களை இருக்கையின் நுனியில் வைத்திருக்க இத்திரைப்படம் முயன்றுள்ளது.
.
