விமானப்படை வீரராக பணியாற்றும் தனுஷ் அடிக்கடி கோபப்படுபவர் என்பதால் அவருக்கு கவுன்சிலிங் கொடுப்பதற்காக பிஹெச்டி படிக்கும் மாணவியான கிரித்தி சனோனிடம் அனுப்பப்படுகிறார். கோவக்காரரையும் சார்ந்தமானவராக மாற்ற முடியும் என்கிற ஆராய்ச்சி செய்யும் கிரித்தி சனோன் தனுஷை மாற்றுவதற்காக கவுன்சிலிங் கொடுக்கிறார். இந்த பழக்கத்தில் கிரித்தி சனோன் மீது காதல் கொள்கிறார் தனுஷ்.
ஆனால் முதலில் கிரித்தி மறுத்தாலும் பின்னர் இருவரும் காதலிக்க துவங்குகிறார்கள். ஆனால் கிரித்தி சனோன் தந்தையோ, நீ யுபிஎஸ்சி தேர்வு எழுதி வெற்றி பெற்று வா, அதன்பிறகு என் மகளை தருகிறேன் என கூறுகிறார். தனுஷும் அதன்படி தேர்வு எழுத செல்கிறார். சில வருடங்கள் கழித்து தனுஷ் திரும்பி வரும்போது காதலி கிரித்தி சனோன் கர்ப்பிணியாக இருக்கிறார். அதற்குள் என்ன நடந்தது ? அதற்கு பின் என்ன நடக்கிறது என்பது மீதிக்கதை.
தனுஷ் வழக்கம் போல் தன்னுடைய இயல்பான நடிப்பின் மூலம் ஒவ்வொரு காட்சிக்கும் உயிர் கொடுத்து பார்ப்பவர்களை பல்வேறு உணர்ச்சிகளுக்குள் ஊடுருவ செய்து படத்துடன் நம்மை ஒன்ற வைத்து விடுகிறார்.
கிரித்தியின் அழகும் நடிப்பும் காட்சிகளில் கூடுதல் அழகை கொட்டிக் கொடுத்திருக்கிறது. கிரித்தி மற்றும் தனுஷ் இருவருக்கும் இடையில் இருக்கும் கெமிஸ்ட்ரி படத்திற்கு நன்றாகவே ஒர்க் அவுட் ஆகியிருக்கிறது..
நாயகியின் அப்பாவாக நடித்திருக்கும் புஷ்பராஜ் ராய் செளத்ரி, எதார்த்தம் மட்டுமே பேசும் மக்களின் பிரதிநிதிபோல் நடித்து வெறுப்பை சம்பாதிக்கிறார். நாயகியின் தந்தையிடம் ஹீரோவின் தந்தையாக வரும் பிரகாஷ்ராஜ் மன்றாடும் காட்சி நெஞ்சை தொடுகிறது.
படத்தின் இரண்டாவது ஹீரோ ஏ.ஆர்.ரகுமான் என்று சொல்லும் அளவுக்கு. பாடல்கள் மற்றும் பின்னணி இசை படத்திற்கு உயிர்.
கதாபாத்திரங்களின் வடிவமைப்பும், உயிரோட்டமுள்ள அந்தந்த கதாபாத்திரங்கள் பேசும் வசனங்களும் படத்திற்கு பலம் சேர்க்கின்றன. முதல் பாகத்தில் நகைச்சுவை, காதல் காட்சிகள் ரசிக்க வைக்கின்றன. இரண்டாம் பாகத்தில் காதலின் வலி என்ன என்கிற அழுத்தமாக வசனங்கள் உணர்வுப்பூர்வமாக மாறுகின்றன. ஆனந்த் எல்.ராயின் முந்தைய படங்களைப் போலவே இதிலும் எமோஷனல் காட்சிகளுக்கு கொடுத்த முக்கியத்துவத்தை திரைக்கதை சுவாரஸ்யத்திலும் கொடுத்திருந்தால் படம் வெற்றிக்கோட்டை எளிதாக தொட்டிருக்கும்.
