அதிதி (ஜியா சங்கர்) ஒரு பாடகி, அவர் தனது இசைப் போட்டிக்காக ஸ்காட்லாந்து செல்கிறார். அங்கு எதிர்பாராத விதமாக ஒரு மலையுச்சியில் இருந்து விழுந்து காயமடைந்து, தனது நினைவாற்றலை இழக்கிறார். இதனால் ஸ்காட்லாந்தில் அதிதியின் நினைவாற்றல் ஒவ்வொரு நாளும் அழிந்து போகிறது,
அங்கேயே தங்கியிருக்கும் சித்தார்த் (மதும்கேஷ் பிரேம்) அவரைப் பார்த்துக் கொள்கிறார் இந்த நிலையில் தனது முன்னாள் காதலன் ஹரிக்கும் (அர்ஜுன் அசோகன்), சிறுவயது முதல் அவரை ரகசியமாக ரசித்து வரும் சித்தார்த்துக்கும் (மதும்கேஷ் பிரேம்) இடையே காதல் சங்கடத்தில் சிக்கிக் கொள்கிறார். அதிலிருந்து அவர் மீண்டாரா ? யாருடைய காதல் கை கூடியது என்பது மீதிக்கதை.
.
அறிமுக நாயகன் மதும்கேஷ் அமைதியான அதே சமயம் மர்மமான ஒரு கதாபாத்திரத்தில் நடித்துள்ளார்.
நாயகி ஜியா சங்கர், மறதி நோயால் தடுமாறும் பெண்ணாக மிகவும் யதார்த்தமாக நடித்துள்ளார்.
மலையாளத் திரையுலகில் வெற்றிகளைப் பெற்ற அர்ஜுன் அசோகன், இந்தப் படத்தின் மூலம் தமிழில் அறிமுகமாகி நம்மை கவர்கிறார்
.
எம்.எஸ். பாஸ்கர் தனது நகைச்சுவையான வசனங்களால் சிரிப்பை வரவழைக்கிறார்; இவர்களுடன் ஜெயபிரகாஷ் மற்றும் விஜி சந்திரசேகர் ஆகியோர் தங்களின் பங்களிப்பைச் சரியாகச் செய்துள்ளனர்.
.
தொழில்நுட்பம்: ஒளிப்பதிவாளர் அரவிந்த் கிருஷ்ணா, ஸ்காட்லாந்தின் பின்னணி காட்சிகளை மிகவும் அழகாகவும், பிரம்மாண்டமாகவும் படம்பிடித்துள்ளார்
ஹாரிஸ் ஜெயராஜின் இசை படத்திற்கு பலம் சேர்த்தாலும், அவரது பழைய ஹிட் பாடல்களின் மேஜிக் இதில் சற்றே குறைவாகவே உள்ளது
ஆண்டனியின் படத்தொகுப்பு காட்சிகளை விறுவிறுப்பாக நகர்த்த முயல்கிறது
.
கண்களுக்கு விருந்தளிக்கும் ஒளிப்பதிவு மற்றும் லேசான நகைச்சுவை காட்சிகள் நிறைவு என்றால் திரைக்கதையில் காட்சிகள் மீண்டும் மீண்டும் வருவது ஒரு கட்டத்தில் சோர்வைத் தருகிறது.
இயக்குநர் விஜய், எளிமையான காட்சிகளை திரைக்கதையின் முக்கியத்துவ காட்சிகளாக வைத்துக் கொண்டு படத்தை நகர்த்தியிருக்கிறார். சில லாஜிக் ஓட்டைகளும் உள்ளன. குறிப்பாக நாயகி தன்னை ஒருவன் இத்தனை காலம் பின்தொடர்வதை அறியாமல் இருப்பது நம்பும்படியாக இல்லை. உணர்வுப்பூர்வமான காட்சிகள் பெரிய அளவில் தாக்கத்தை ஏற்படுத்தவில்லை
.
அழகான லொகேஷன்கள் மற்றும் இசையை ரசிப்பவர்களுக்கு இந்தப் படம் ஒரு சுவாரஸ்யமான நேரத்தைக் கொடுக்கலாம். இருப்பினும், மெதுவான திரைக்கதை படத்திற்குப் பலவீனமாக அமைந்துள்ளது..
