தன் வாழ்க்கையில் திருமணத்தின் மீது பெரிய அளவில் ஆர்வம் இல்லாதவர் சீதா (ஐஸ்வர்யா). ஹைதராபாத்தில் ஒரு புகழ்பெற்ற செஃப் (Chef) வழங்கும் நிகழ்ச்சியைப் பார்ப்பதற்காக அவர் கார் பயணம் மேற்கொள்கிறார். இந்தப் பயணத்தில் அபிஷேக் (நிரஞ்சன்) என்ற முன்பின் தெரியாத நபர் அவருடன் இணைகிறார்.
இந்தப் பயணத்தின் போது சீதா ஏன் தனக்கு அறிமுகமானவர்கள் அனைவருக்கும் தேடிப் போய் நன்றி சொல்ல நினைக்கிறார்? இடையில் வரும் ரவுடி கிரி (அர்ஜுன் சார்ஜா) மற்றும் பவன் (துருவ் சார்ஜா) ஆகியோரின் பாத்திரங்கள் என்ன? இறுதியில் சீதாவின் திருமண எண்ணம் மாறியதா என்பதே படத்தின் மீதிக்கதை.
படத்தின் நாயகி ஐஸ்வர்யா அர்ஜுன் நடிப்பு, நடனம் மற்றும் தோற்றம் என அனைத்துத் துறைகளிலும் தனது சிறந்த பங்களிப்பை வழங்கியுள்ளார்..
கதாநாயகன் நிரஞ்சன் ஒரு கண்ணியமான நடிப்பை வழங்கியுள்ளார், குறிப்பாக சண்டைக் காட்சிகளில் சிறப்பாகச் செய்துள்ளார்.
அர்ஜுனின் சிறப்புத் தோற்றம் படத்திற்குப் பலம் சேர்க்கிறது. பிரகாஷ் ராஜ் மற்றும் சத்யராஜ் ஆகியோர் தங்களுக்குக் கொடுக்கப்பட்ட கதாபாத்திரங்களைச் சிறப்பாகச் செய்துள்ளனர். துருவ் சார்ஜாவின் தோற்றம்: இரண்டாம் பாதியில் வரும் துருவ் சார்ஜாவின் சிறப்புத் தோற்றம் தேவையற்ற பில்ட்-அப் போலவும் ஓவராகவும் தோன்றுகிறது.
ஒளிப்பதிவு மற்றும் எடிட்டிங்கில் சில காட்சிகள் சிறப்பாக அமைந்துள்ளன. இசை: அனூப் ரூபன்ஸின் பாடல்கள் சுமாராக இருந்தாலும், பின்னணி இசை அர்ஜுனின் பழைய படங்களின் இசையை நினைவுபடுத்துவது போல் உள்ளது..
படத்தின் முதல் பாதியில் வரும் “20 விநாடி வாழ்க்கை” என்ற கான்செப்ட் சுவாரஸ்யமாகவும் நன்றாகவும் வடிவமைக்கப்பட்டுள்ளது.. ஆனால், அதை ஒரு சுவாரஸ்யமான கதையாக மாற்றுவதில் இயக்குனர் அர்ஜுன் தவறிவிட்டார். காரணம் படத்தின் கதாபாத்திரங்களுடன் எந்த உணர்ச்சிப்பூர்வமான பிணைப்பும் இல்லை: தேர்ந்தெடுத்த கதைக்களம் நன்றாக இருந்தாலும், அதைத் திரையில் கொண்டு வந்த விதத்தில் தேவையான ஆழமும் சுவாரஸ்யமும் இல்லை. ஐஸ்வர்யா அர்ஜுனின் நல்ல நடிப்பிற்காகவும், சில சுவாரஸ்யமான காட்சிகளுக்காகவும் இதைப் பார்க்கலாம்,
